دراما حياتى

من زمان وانا مغرمه بحكايا بريد الجمعه
وحتى البرامج بحب اوى برامج المشاكل وكلام الناس بحب اعترفات ليليه
ارجوك افهمنى حتى برنامج بين الناس
كل الناس عندها مشاكل بس انا وقت ماكان الحكايات دى بتهمنى ماكنش عندى مشاكل معضله ديما كنت مشهوره بين اصحابى بالتفاؤل وانا ديما ببص على نص المليان للكبايه وماببصش على الفاضى
من الاخر كانت ايدى فى الميه البارده
بس شويه شويه رجلينى بتيجى فى خيه الدنيا
ونقع وانا بقى وقعت وماحدش سمى عليا
يمكن عمرى مافكرت انى اعمل مدونه يعنى ماعنديش لاراء فكريه ولا سياسيه ولا فنيه ولا اى حاجه تستحق انى اناقشها او حتى اعرضها
عمرى ما استهوتنى كتابه مزكرات فى حياتى ابدا يمكن لانى عشات 18 او 19 سنه من عمرى مافيهاش اى اكشن
او اى احداث تستحق التدوين
بس الناسان اللى مشاكله صغيره مع الوقت بتظهر مشاكل بعمره يعنى كل مابنكبر مشاكلنا بتكبر معانا
بس انا دلوقتى بس فكرت اعمل المدونه دى بس عشان اتكلم وافضفض
وغرضى الاول والاخير هو انى اقول الكلام اللى مابعرفش اقوله فى حته انيه
المره دى مجرد عرض غير سريع وتوضيح انى مش مدونخ محترفه ولكن مضطره مفيش طريقه غير كده للفضفضه

سؤال وجواب

يترى الواحد عشان يحدد اهدافه ويعرف هو عاوز ايه ممكن ياخد وقت قد ايه يعنى ممكن ياخدسنه اتنين تلاته ولا اربعه زى ماعندنا
فى الجامعات المصريه متوسط سنين الكليه اربعه
والغريب انه ممكن الاف يتخرجوا كل سنه ومايعرفوش لحد ما اتخرجوا هم عاوزين ايه اورايحين فين
وبيكتشفوا فى الاخر انه مكتب التنسيق دخلهم حسب المجموع فى كليات مش عاوزينها ومش بتاعتهم والله انا قعدت اربع سنين فى كليه اداب وفى الاخر اكتشفت انه اربع سنين مش كفايه انه الواحد يحدد هدفه وقعدت احسد اللى بيدبلروا واقول اكيد لسه عندهم وقت يحددوا اهدافهم
وتقيبا مش انا بس اللى بسال السؤال ده

بس ياترى السؤال ده جه متاخر ولا ممكن ابدا افكر دلوقتى ؟
ياترى السؤال التانى ده محتاج وقت قد ايه عشان اجاوبه؟؟؟؟؟؟؟؟؟؟؟؟؟؟؟؟؟؟

الرسام ما اتحرقش

طبعا مفيش حد ماوصلوش الماسج اللى بتقول ابشر الرسام الدانماركى اللى رسم الرسومات المسيئه للرسول الكريم مات محروق جنب الجريده الرسام ما اتحرقش
وبعدين دول 13 رسام ب13 رسمه
ياريت الناس تبطل اشاعات هبله بقى !!!!!!